Jólahjálpin 2019

Tað ber til at søkja um Jólahjalp frá 3. desember og fram til 7. desember kl 14:00

Barnarættindi 30 ár

Ert tú millum 12 og 16 ár, og hevur tú hug at hava ávirkan á tíni rættindi, so er hetta nakað fyri teg

Tann 16. Januar 2020 skipar UNICEF fyri ráðstevnu í Keypmannahavn har børn og ung úr øllum Norðanlondum fara at luttaka. Eisini børn og ung úr Føroyum.

Ráðstevnan verður hildin, tí Barnarættindasáttmálinhjá ST fyllir 30 ár. Evni á ráðstevnuna er grein 12 í Barnarættindasáttmálanum um rættin hjá børnum at greiða frá sínum sjónarmiðum í øllum teirra viðkomandi viðurskiftum.

Tú & Eg Ráðgevingin

Send ein anonyman spurning til Tú & Eg Ráðgevingina.
Ráðgevingin er til fyri at hjálpa børnum og ungum við øllum tí sum tey hava uppá hjarta.
Alt samskifti er dulnevnt. Vit ynskja ber at vita aldur og kyn.

Betri vinir

Betri vinir er ein fyribyrgjandi verkætlan ímóti happing. Tilfarið er ætlað til 3-6 ára gomul børn, fakfólk og foreldur. Barnabati stendur fyri verkætlanini, í samstarv við Mary Fonden og Red Barnet.

ICDP

International Child Development Programme er eitt ástøðiligt, evidensbaserað amboð, sum er ment til tess at økja dygdina í samskiftinum millum børn og vaksin. Málið við amboðnum er at læra tann vaksna at síggja og hoyra tørvnin hjá barninum og betra um førleikarnar at møta barninum, har tað er.

Mentor

Eitt upplýsandi, fyribyrgjandi og mennandi tilboð til ung í aldrinum 12-18 ár, ið kunnu hava ymsar trupulleikar og sálarligar ampar at dragast við

Eg & Lívið

Eg & Lívið er ein síða har Barnabati hevur savna ymiskt kunnandi tilfar um mangt sum viðkemur børnum og ungum. Um tit ikki vita júst hvar tit skulu leita, so er eitt sjóneyka ovast í vinstra hornið, har tit kunnu skriva tykkara leitiorð. Um tit ikki finna at svar, so kunnu tit altíð skriva eitt bræv til Tú & Eg Ráðgevingina, ella ringja 116 111. Báðar tænasturnar eru heilt anonymar. Tað vil siga, at vit ikki síggja hvør tú ert.

Skeiðvirksemi

Barnabati arbeiðir fyri at bøta og menna um kor, trivna og umstøður hjá børnum og ungum. Í samband við ymiska virksemi hjá Barnabata bjóða vit ymisk skeið innan happing, relatiónsførleikum og barnarættindum. Í løtuni eru fimm skeið í samband við Betri vinir og tvey skeið í samband við ICDP. Eisini bjóðar Barnabati ymiskar framløgur, eitt nú um ymiskt viðvíkjandi barnarættindum.