Hey góði ráðgevi! Eg eri í einari sera truplari støðu í løtuni, tí tað er nú soleiðis at tað eru 7 vikur síðan eg seinast hevði ‘reyðar dagar’. Eg havi verið í song við núverandi sjeikinum síðan, uttan præventión, og eri tí bangin fyri at vera við barn. Eg havi eym bróst, men veit at hettar kann koma fyri tá ið man er tannáringur. Eg havi eina sera góða vinkonu, ið hevur lovað at hjálpa mær ígjøgnum hetta, og av tí at eg sjálvdan snakki við foreldur míni, og veit at tey eru trupull at snakka við, vil eg helst hava vinkonuna við til læknan at kanna málið nærmari. Mín spurningur er, um tað er møguligt hjá mær at fara til læknan at vita um eg eri við barn – uttan foreldur míni. Eg eri 16ára gomul, og ivist í um tað ber til. Hevði eisini verið himmalskt at fingi eina frágreiðing um, hvussu eg skal gera viðvíkjandi at fara til læknan; skal eg biða um tíð áðrenn, hava nakað persónsnummar við, osv? Vónandi fái eg svar skjótt, havi brúk fyri tí. Og takk fyri hendan brævkassan, hevði verið lost uttan hann!!