Menu
116 111 Tú & Eg Ráðgevingin er ein ókeypis ráðgeving til børn og ung. Tørvar tær ráð, vegleiðing, ella bara onkran at tosa við, so kanst tú ringja til ráðgevingina á 116 111.
Øll, ið ringja, eru dulnevnd. Tað merkir, at vit síggja ikki, hvør tað er, sum ringir, og tær nýtist ikki at upplýsa navn.
116 111 Tú & Eg Ráðgevingin svarar gerandisdagar frá klokkan 10:00 til 16:00 og hvørt kvøld frá klokkan 20:00 til 22:00.
116 111 Tú & Eg Ráðgevingin hevur eisini ein brævkassa. Her kanst spyrja um alskyns spurningar og ráð, og ein ráðgevi svarar síðani brævinum. Tú ert eisini dulnevndur, tá tú skrivar til brævkassan.
Tað kann taka nakrar dagar at fáa svar uppá brævið, so um tær tørvar skjóta vegleiðing, er betur at ringja til ráðgevingina.
Tú & Eg Prát er eitt víðkað tilboð í Tú og Eg Ráðgevingini. Um tær tørvar onkran at tosa við ella bara onkran at lurta, er møguleiki at koma á skrivstovuna hjá Barnabata til eitt prát.
Ring til okkara á 116 111 og vit avtala eitt prát skjótast til ber.
Prátið kann vera dulnevnt – tær nýtist ikki at siga, hvussu tú eitur.
Niels Finsensgøta 32. 2H
FO-110 Tórshavn
Telefon: +298 610140
Email: barnabati@barnabati.fo
V-tal: 333522
Kontonr.: 9181 – 130.388.2
