Góða 16 ára gamla genta, tað er rætt av tær at vilja gera nakað við títt etingarólag. Tú greiðir frá, at tú noyðir ov nógvan mat uppaftur, eg rokni við at tú stingur ein fingur djúpt i hálsin og so vil spýggja , ja hettar er tað sum kallast bulimi.
Tú greiðir ikki frá um tú vigar ov nógv, men helst ynskir tú at viga minni, og at hettar er orsøkin til, at tú fór at spýggja.. Mín spurningur er nú, um tú ert realistisk, hvat halda foreldrini um tína vekt, og hvat sigur heilsusysturin? So sigur tú, at tú hevur ringt sjálvsálit, kann tað vera eitt ólukkuligt forelskilsi har aftanfyri ? Vónandi hittir tú skjótt ein annnan fittan drong, og so verður tað betur.

Bulimi er ein sjálvskaðandi atferð, sum ein ikki kann stýra, soleiðis at nogv í lívinum snýr seg um at fáa nógv av leskiligum mati og umstøður at spyggja . Tað skal haldast loyniligt, tí ein skammar seg. Tað verður minni orka til annað í lívinum, vinir, skúli, familia og áhugamál.
Kropsliga er tað ikki so vandamikið, magasýran kann etsa slímhinnur og tenn(fleiri hol), men hjartastopp fáa ung frísk fólk ikki. Kropsvektin verður vanliga lítið ávirkað.
Nú til hvat kanst tú gera.
Høvuðsráð eru : ver aktiv og saman við fólki. Ger nakað sum tær dámarìtriv, men ver eisini væl fyrireikað til skúlan , økir um sjálvsálitið.
Goym ikki slikk og køkur ella annað etandi. Et vanligt minst 3 ferðir dagliga, gjarna saman við familiuni.

Ver kropsliga aktiv hvønn einasta dag gjarna saman við vinfólkum ella familiu. Gott er at hava fastar avtalur t.d. vera á einum liði ella rennavenja saman, so heldur tú lættari eina meðal vekt og lagið verður betur.
Tú kanst eisini gera tær eina “gularót”, pening tú ikki brúkar uppá slikk og annað, goymir tú til bio atgongumerki, ella annað tú sparir upp til.
Gott er um tú kanst tosa við foreldrini um hettar, men tað er rætt, at helst er tað er torført fyri tey at skilja, so er tað møguligt t.d., at mamma tín og tú fara til læknan og tosa um støðuna.
Endiliga so styðja teg til tann eina personin, tú hevur fult álit á. Tú kundi diskutera hesa ætlan og haft fastar avtalur við viðkomandi.

Eg vil ynskja tær góða eydnu í stríðnum, hetta vil eisini geva tær nógv størri sjálvsálit.

Vinaliga
Tú & Eg Ráðgevingin.